TVRI YOGYAKARTA NEWS
Pamirsa, ngajengi tumapakaing dinten bakda riyadi, ing sadengeh laladan sampun kathah tiyang ingkang sesadeyan klonthong kupat, salah setunggalipun inggih menika ing peken clereng, sendang sari pengasih kulon progo.
Ketupat utawi kupat mekaten mboten saged kapisahaken kaliyan ingkang naminipun dinten bakda riyadi. Nguningani bilih sedaya warga masyarakat mboten sedayanipun kagungan wekdal menapadene saged ndamel klonthong kupat, kawontenan menika dipun mupangtaken dening sawetawis tiyang kangge ndamel lan bakul klonthong kupat. Salah setunggalipun inggih menika warga saking sedngang sari pengasih, kulon progo ingkang ndamel lan gelar daganganipun ing p[eken clereng. Para bakul ingkang gunggunipun wontensedasanan tiyang menika kawit enjing sampun bikak dasar. Atusan iji klonthomg kupat ugi sampun pajeng dipun sade, kanthi regi wolung ewu rupiyah kangge sedasa iji klonthong kupat, para bakul menika badhe nggelar dagangan engga mangke sontyen dumugi ngajengi takbir. Janur minangka bahan bakenipun klonthong kupat, dipun tumbas kanthi regi selangkung ewu rupiyah saben satus ijinipun. Para bakul ing p[eken clereng sami ngandaraken bilih saben ngajengi dinten riyaya idul fitri, saged dipun pesthekaken ndamel klontong kupat, kangge nambah wulu wektu ipun, mliginipun masyarakat jawi kupat mekaten nggadhai makna ingkang mligi. Kupat saking tembung jarwa dhosokipun maknanipun amengku kalepatan, sok sintena ingkang dhahar kupat mekaten ing pangangkah sagedto merdika saking sedaya kalepatan lan warga msyarakat sami nglebur dosa kanthi tansah apura ing ngapuran ing antawispun sesami.
