TVRI YOGYAKARTA NEWS-JATMIKO HADI
Mlebet ing purwakaning mangsa tanem kaping kalih tahun menika, kadang tani ing laladan Kabupaten Kulonprogo kewetan pikantuk rabuk subsidi. Kangge ngrabuk tanemanipun kadang tani kapeksa ginakaken rabuk non subsidi.
Ing wulan april tahun menika, kadang tani ing Kabupaten Kulonprogo siring ler sakmenika sampun wiwit mlebet ing mangsa tanem kaping kalih. Ananging emanipun, ing purwkaning mangsa tanem menika kadng tani kedah ngadepi langaknipun rabuk bersubsidi saking pamerintah. Katah toko pertanian ingkang mboten gadah stok rabuk subsidi. Salah saweneh kadang tani saking laladan Jatisarono Naggulan Kulonprogo tumijo waleh, bilih kanthi langkanipun rabuk subsidi saking pamerintah piyambakipun kapeksa mundut rabuk non subsidi jinis pil ingkang pengaosipun langkung inggil kabandingaken rabuk subsidi. Bab menika kedah dipun tindakaken dining tumijo amargi taneman pantunipun sampun wekdalipun dipun rabuk. Menawi telat anggenipun ngrabuk piyambakipun kuwatos taneman pantunipun mboten saget tuwuh kanthi maksimal.
Tumijo lan kadang tani ing laladan menika ngajab, supados pamerintah saget nrenggalani perkawis langanipun rabuk subsidi menika, menapa malih kawontenan kados mekaten emnika dumados saben tahun. Kajawi menika piyambakipun ugi nyuwun dupaten pamerintah langkung gampilaken kadang tani ing saklebeting pikantuk rabuk subsidi , lan jatah rabukipun dipun larasakaen kaliyan wiyar lahan olah tetanenipun kadang tani.
