TVRI YOGYAKARTA NEWS-JATMIKO HADI
Kangge paring fasilitas mergi ingkang sae dumateng masyarakat, pamerintah sakmenika nembe ngrampungaken mergi enggal wiwit tol engga mergi alternatif, salah setunggalipun inggih menika mergi alternatif ingkang nyambetaken laladan Prambanan kaliyan Gunungkidul.
Kados mekaten menika mergi enggal Prambanan gayamharjo ingkang dipun bangun dining kementrian pekerjaan umum dan penataan ruang PUPR. Mergi ingkang sampun dipun bikak wiwit setunggal wulan kapengker menika, mapan ing Kalurahan Bokoharjo Kapanewon Prambanan Sleman. Mergi menika mujudaken mergi alternatif ingkang samangkenipun saget nyambetakaken laladan Kabupaten Sleman kaliyan Kabupaten Gunungkidul. Ananging wekdal sakmenika mergi alternatif menika tasih buntu, lan nembe dumugi ing laladan banyunibo. Lurah bokoharjo prambanan dodi heryanto ngandaraken mergi alternatif menika mujudaken mergi segmen a ingkang samangkenipun bade nyawiji kaliyan exit tol bokoharjo lan simpang susun purwomartani. Mergi alternatif menika samangkenipun bade nglangkungi sawetawis laladan wiwit saking papan wisata kraton ratu boko lemah abang, engga piyungan bantul. Saengga menawi wonten warga ingkang bade tumuju ing wonosari gunungkidul mboten kedah medal bukit bintang malih. Kanti wontenipun mergi alternatif menika dodi heryanto gajab saget ninkataken ekonominihg warga ing sak kiwatengenipun mergi.
