TVRI YOGYAKARTA NEWS-JATMIKO HADI
Nogosari ingkang dados taneman mirunggan ing DIY sampun wiwit langka dipun prangguli. Taneman menika gadhah mupongata ageng, kajawi kajengipun dipun mupangaatken kangge warangka duwung, ron menapaden wijinipun saged ngusadani manekawerni sesakit.
Kados mekaten menika taneman nogo sari ingkang dipun tanem saweneh warga saking Dusun Sawahan, Padukuhan Bleberan, Kalurahan Banaran, Kapanewon Galur, Kulonprogo. Taneman ingkang dados ciri, mirungganipun DIY menika rumiyinipun kathah dipun panggihaken ing pasareyan-pasareyan, ananging sak menika sampun wiwit langka. Taneman nnogosari menika saged tuwuh wolu las dum, ugi kawan dasa gansgal meter inggilipun. Taneman menika gadhah ciri mirunggan sekaripun gandaipun arum. Kajengipun ingkang atos kathah dipun mupangataken kangge ndamel warangka duwung, gagang tumbak, engga tasbih. Taneman ingkang kapetang dangu tuwuhipun menika pinitados kathah mupangataipun, ronipun saged kangge ngusadani infeksi jamur, ngirangi raos sakit, ngusadani upas sawer lan kalajengking engga anti kangker. Sawetawis wijinipun kaloka minagka anti bakteri lan anti inflamasi, sekaripun ngandut zat anti oksidan sarta njagi kasarasaning ati.
Kajawi saged kababar lumantar generatif lumantar wijinipun, wit nogosari ugi saged dipun stek. Cara ngrimatoipun ugi gampil, cekap dipun rabuk kanthi ajeg supados tuwuhipun saged maksimal.
