TVRI YOGYAKARTA NEWS-JATMIKO HADI
Kangge ndudut kawigatosaning wisatawan ngendangi pesisir Glagah ing Kulonprogo, Dinas Pariwisata Kabupaten Kulonprogo gelar pasugatan sendratari sugriwa subali ing plaza kuliner pesisir Glagah.
Kados mekaten menika pasugatan sendratari sugriwa subali ingkang dipun adani ing plaza kuliner pesisir Glagah. Dipun paragakaken dining 40 pambeksa, pasugatan sendra tari sugriwa subale menika kangge ngregengaken krida wisata ramadan ingkang dipun gelar Dinas Pariwisata Kabupaten Kulonprogo. Dipun segahaken sakdangunipun setunggal jam, sendratari menika kanyata saget ndudut kawigatosaning wisatawan, kacihna saking katahipun wisatawan ingkang ningalin sendratari menika. Solahipun para paraga ingkang lucu ndamel para wisatawan ingkang mirsani sami gemujeng. Kapilihipun sendra tari sugriwa subali menika amargi mujudaken carios ingkang tuwuh ngrembaka ing laladan Kabupaten Kulonprogo. Sendratari menika gambaraken perangipun ing antawisipun sugriwa subali, lembusura lan mahesa sura ing saklebeting ngrebataken dewi tara.
Kajawi kangge ndudut kawigatosaning wisatawan ngendangi pesisir glagah, pasugatan sendratari menika ugi ndadosaken laladan pesisir glagah dados wisata pinunjul piyandelipun Kabupaten Kulonprogo.
