TVRI YOGYAKARTA NEWS-JATMIKO HADI
Ewonan warga masyarakat sami ningali festival takbir keliling ingkang dipun adani ing alun – alun Wates Kulonprogo. Kajawi mujudaken media dakwah, kanyata festival menika ndudut kawigatosaning warga masyarakat kalebet para pemudik.
Festival takbir keliling menika dipun adani dining nitinya peringatan hari besar islam PHBI cabang muhammadiyah Wates Kulonprogo. Festival menika kasil ndudut kawigatosaning warga masyarakat, kacihna saking katahipun warga ingkang sami mirsani festival menika ing pinggir – pinggir mergi. Mboten namung tiyang sepuh kemawon, ananging ugi para wiranem engga para lare ketingal remen manahipun nalika ningali festival takbir keliling. Krida festival takbir keliing menika mujudaken krida ingkang ajeg dipun adani dinig PHBI cabang muhammadiyah Wates ing saben tahunipun. Ing festival tahun menika para pasarta kedah nglangkungi mergi ingkang tebihipun ngancik tigang kilometer. Kanthi mbeta manekawerni replika lan kostum, ndamel bingahipun para warga ingkang sami mirsani. Menapa malih warga masyarakat ingkang mujudakan para pemudik ingkang sampun dangu mboten ngraosaken suasana takbir keliling ing laladan asalipun.
Festival takbir keliling tahun 2024 menika sinartan dining atusan pasarta saking 13 masjid ing laladan Kabupaten Kulonprogo. Ingkang dipun biji ing saklebeting festval menika antawisipun komandan paling sae, maskot pae sae lan lafal takbir ingkang sae lan leres. Klempakan ingkang sasab ing festival menika bade pikantuk tropi saking bupati Kabupaten Kulonprogo.
