TVRI YOGYAKARTA NEWS-WIDI-HANIF YUDA
Sawetawis menika, sisa-sisa kajeng menapadene oyot taneman, kanyata ugi saged dipun ndamel manekawerni jinis karya seni ingkang gadhah bobot ekonomi inggil.
Saking asiling daya cipta rasa lan karsanipun gunjiyar saking Guwosari, Pajangan Bantul, sisa-sisa kajeng menapdene oyot kajeng, dados setunggaling karyan seni ingkang gadhah bobot inggil. Gunjiyar piyambak ndamel kerajinan menika wiwit puluihan tahun kapengker, ingkang dipun jalari piyambakipun dipun cokot sawer. Jalaran dipun cokot sawer kala wau piyambakipun mboten saged makarya, lan namung mendel kemawon, saengga piyambakipun gadhah penggalihan, pakaryan menapa ingkang saged dipun tindaaken . Saklajengipun tuwuh ing krentegipun ndamel karajinan menika, saking daya cipta, rasa lan karsanipun, atusan kerajinan sampun dipun asilaken dening gunjiyar. Wiwitanipun gunjiyar ugi namung mendet sisa-sisa kajeng saking sakiwatengening pidalemipun kemawon, ananging gilir gumantosing wekdal saya kathah tiyang ingkang sami ndandosaken kapurih ndamelaken setunggaling cakrik. Manekawerni cakrik ingkang sampun kasil kababar antawisipun cakrik wit-witan , manekaerni kewan , kaligrafi lan sak pituruitipun. Ananging gunjiyar piyambak remen ndamel kerajinan ingkang dipun damel cakrik semar, kajeng ingkang dipun mupangatken kajawi kajeng jatos, ugi wonten kajeng kenanga, galih asem, pelangi lan sakpiturutipun ingkang kalebet kajeng langka. Kajawi kerajinan saking oyot kajeng, gunjiyar ugi ndamel kerajinan, arupi ringgit bathok ringgit golek. Barang-barang kerajinan ingkang dipun asilaken menika kjawi dipun remeni dening warga masyarakat ing laladan DIY, kepara ugi sampun dipun remeni tiyang mancanegari.
