TVRI YOGYAKARTA NEWS-SETYA BUDI
Ing dinten bakdo riyadi tahun menika, panyuwunan tumrap who klapa ing laladan Kabupaten Gunungkidul mindhak. Saben dinten para bakul klapa saget nyade engga ewunan who klapa.
Kados mekaten menika kridanipun para bakul kapa ing laladan playen kabupaten gunungkidul sedinten ndungkap dinten riyayaidul fitri 1445 hijriyah. Ing papan menika kajawi nyade klapa wetah ugi ngladosi giling lan marut klapa dados santen klapa. Supardiyono bakulm klapa ing papan menika waleh, bilih mindhaking panyuwunan klapa ing papanipun menika sampun dumados sawetawis dinten kapengker. Katah saking warga masyarakat ingkang pados klapa menapadene ndandosaken dados santen, kangge kabetahan mangsak sayur ing dinten riyadi. Saking sak katahing lenggananiunmenika, katah -katahipun sami pados klapa parut lan santen amargi mboten dados eweting warga ing saklebeting bade mangsak ing griyanipun piyambak – piyambak. Saking katahipun panyuwunan klapa menika, piyambakipun saben dintenipun saget nyade engga ewonan who klapa. Kawontenan kados menika limrah dumados ndungkap nyelaki dinten bakdo riyadi idul fitri. Kangge nyekapi panyuwunan peken piyambakipun kedah ndatengaken klapa saking sak jawining Kabupaten Gunungkidul, antawisipun saking Kabupaten Kulonprogo engga Kabupaten Purworejo lan Muntilan Jawa Tengah.
Inggilipun panyuwunan who klapa menilka dipun dugi tasih dumados engga seminggu sak bibaripun riyaya idul fitri. Sawetawis pengaosipun ugi mindhak inggih menika 10 ewu rupiyah saben ijinipun.
