TVRI YOGYAKARTA NEWS-SETYA BUDI
Kangge raos syukur dumateng allah subhanahu wataala awit paringipun nikmat lan gancar anggenipun nglampahi siyam ramadhan, warga masyarakat Kepek Saptosari Gunungkidul gelar tradisi kenduri riyaya. Mboten namung warga lokal, kenduri menika ugi sinartan dining para pemudik.
Sawetawis laladan ing kapanewon ing Kabupaten Gunungkidul, dumugining wekdal sakmenika tasih nguri – uri tradisi kenduri riyaya ingkang dipun tindakaken nalika malem takbiran. Kados ingkang dipun tindakaken dining warga masyarakat saking dusun kayu ares kalurahan kepek kapanewon saptosari gunungkidul meniika. Sak bibaripun shalat isa, dasanan warga menika sami ngempal ing mushala saperlu nindakaken tradisi kenduri riyaya. Mboten namung warga lokal, ananging para pemudik ugi tumut nyartani kenduri riyaya menika. Warga sami mbeta manekawerni uba rampe wiwit saking sekul gurih, trancam engga ingkung ayam. Dukuh kepek mugiyono ngandaraken, kenduri riyaya menika jaeg dipun adani mangayubagya datengipun dinten riyaya idul fitri. Uba rampe ingkang dipun beta dining warga menika ugi mujudaken raos syukur warga ingkang sampun nglampahi siyam ramadhan setunggal wulan. Kangge nambah raos pasederekan ing antawisipun warga, manekawerni daharan menika saklajengipun dipun kedapi sesarengan.
Saksampunipun kenduri riyaya wrga lajeng nindakaken takbir sesarengan ing mushala dusun, kanggen ngagungaken asma allah subehanahu wataala.
