TVRI YOGYAKARTA NEWS-HENDRY-ABDUL ROHIM
Kangge ngawekani kathahipun suket utawi gulma ingkang kathah tuwuh wonten ing mangsa rendheng menika, saweneh kadang tani nindaaken cara nanem manekawerni komoditi olah tetanen wonten ing setunggaling lahan.
Kejawi ama lan sesakit, suket utawi gulma mujudaken setunggaling pepalangipun kadang tani anggenipun nindaaken budidaya olah tetanen wonten ing mangsa rendheng kados sakmenika. Suket ingkang dipun kendelaken temtu badhe nuwuhaken sesakit kadosta jamur dateng taneman pokok. Kangge ngawekani kathahipun suket wau mila kadang tani wonten ingkang nindaaken cara nanem manekawerni komoditgi taneman wonten ing lahan kasebat. Kadosta wonten ing lahan kates kalifornia menika, kadang tani ugi nanem kathah komoditi taneman wonten ing bedenganipun. Wiwit saking sawi, kacang lan brambet. Piyambakpun ngandaraken kanthi wontenipun kathah taneman wonten ing lahan mila saged ngirangi tuwuhipun suket. Kaleresan piyambakipun nanem sakathahing komoditi olah tetanen menik akanthi cara organik ngginaaken bucalan lembu gadahanipun. Menawi anggenipun mbrasta suket migunaaken obat kimia temtu badhe ndamel siti risak amargi cacing ingkang wonten ing saklebeting siti ugi pejah. Menawi mboten wonten cacingipun temtu badhe ndamel siti mboten gembur lan mboten liat saengga mangaribawani tuwuhing taneman mboten wonten nutrisi lan gampil rebah. Kejawi kangge ngawekani kathahipun suket ingkang gampil tuwuh ing mangsa rendheng menika, ugi saged nikelaken asil panen. Kate singkang dipunbudidaya menika mujduaken kates kalifornia ingkang sampun nyelaki panen, ing setunggaling wit saged mawoh kathah. Dereg malih menawi sawinipun sampun panen temtu saged kangge nambah wulu wetu. Miturut rantamanipun menawi mangkeh sampun nyelaki panen, piyambakipun badhe nanem malih taneman kates wonten ing setunggal baris sakcelakipun saengga prosukdi kates tansah kajagi ngemuti bilih panyuwunan who kates inggil ing pekenan lan pengaosipun kapetang sae.
