TVRI YOGYAKARTA NEWS-HENDRY-ABDUL ROHIM
Klapa muda mujudaken salah setunggalipun unjukan ingkang kathah dipun padosi tiyang nalika buka siyam. Bab menika lajeng ndamel panyuwunan klapa muda tikel kaping kalihipun.
Kados ingkang kawuningan bilih klapa muda utawi degan menika mujudaken salah setunggaling unjukan ingkang kathah dipun padosi dening umat islam kangge buka siyam. Raosipun toya degan ingkang seger lan daging klapa ingkang taksih enem cocok sanget dipun ginaaken kangge mbatalaken siyam nalika sampun dateng wekdalipun. Mila mboten maiben bilih panyuwunanipun degan menika mindhak. Ing pundi-pundi papan ing wuln siyam meika kita saged mrangguli tiyang ingkang sesadeyan degan wonten ing pinggir mergi. Bab menika ugi lajeng ndatengaken kalodangan usaha sesadeyan degan menika. Degan ingkang dipun panen menika dipun pendhet piyambak lan dipun sade setunggal iji dateng bakul. Pafdatanipun bakul magkeh lajeng nyade kanthi pengaos sedasanan ewu rupiah. Ing setunggal dinten menika piyambakikipun saged pikantuk 100 iji klapa muda ingkang sampun siap dipun sade. Klapa ingkang dipun panen inggih ingkang sampun estu siap panen. Menawi taksih enem raosipun dereng echa lan ukuranipun alit. Semanten ugi menawi sampun tua, raosipun benten. Klapa muda menika kejawi dipun sade setunggal iji, ugi dipun sade mawi ukuran setunggal gelas. Produktifitas klapa kapetang sae. Piyambakipun saged panen klapa muda saben kalih wulan sepisan. Ing wulan siyam menika panyuwunan klapa muda mindhak ngancik kaping kalihipun.
