TVRI YOGYAKARTA NEWS-WIDI-HANIF YUDA
Gunjiyar warga saking Guwosari, Pajangan Kabupaten Bantul kasil ngolah bathok klapa dados setunggaling karya seni ingkang nyleneh utawi unik, arupi ringgit bathok ingkang gadhah bobot ekonomi inggil.
Kados meaketn menika wayang bathok asil karyanipun gun jiyar warga saking Guwosari, Pajangan Kabupaten Bantul. Benten kaliyan ringgit sanesipun ingkang dipun damel saking kulit, kajeng menapadene dlancang, ringgit damelanipun gun jiyar menika dipun damel saking bathok klapa. Tokoh ingkang dipun damel kathah-kathahipun dipun pendhet saking carios ande – ande lumut kadosta, pleting kuning, pletinhg abang engga yuyu kangkang. Asiling cipta rasa lan karsanipun ndamel ringgit saking bathok menika kawiwitan ing surya kaping sekawan wulan sanga tahun kalih ewu sedasa kapengker, lan dumugining wekdal sakmenika sampun gangsal pangkon ringgit bathok ingkang sampun kasil karipta. Kathah-kathahipun ringgit bathok menika dipun koleksi ing museum, pribadi kepara ugi wampun wonten ingkang kakintun dateng negari india. Gun jiyr nyaroisaken mila bukanipun ndamel ringgit bathok menika, nguningani kthahing klapa ingkang bolong dipun pangan bajing lan namung dipun jaraken kemawon. Kanthi jiwa seninipun sak lajengipun, gunjiyar gadhah ada-ada mupangataken bathok klapa kala wau dados setunggaling ringgit. Ringgit bathok menika ugi jangkep kados dene ringgit wacucal ,knthi dipun sungging , tancepan , asta engga jejangkeping busananipun . Ingkang ndamel saya mirungganing ringgit bathok asil karyanipun gun jiyar inggih menika sedaya busana ingkang dipun gambar ing ringgit ngginaken setunggaling corek bathik ingkang dados ciri mirungganipun laladan pajangan inggih menika ron krebet. Setunggal pangkon ringgit ande –ande lumut menika cacahipun wonten sewidak iji tokoh, sawetawis reginipun menawi pilihan, setunggal yuta gansgal atus, sawetawis menawi dipun tumbas setunggal pangkon setunggal ijinipun setunggal yuta rupiyah. Kangge ndamel setunggal tokoh ringgit menika dipun betahaken wekdal gansgal dintenan. Gun jiyar nambahaken bilih menapa ingkang katindaken ndamel ringgit bathok menika kajawi mupangtaken barang ingkang kaanggep uwuh, ugi kaangkah saged ndamel saya kathaing jinis ringgit ing nuswantra.
