TVRI YOGYAKARTA NEWS-WIDI-HARIF YUDA
Para pamirsa, asiling olah tetanen ingkang katindaken ing lahan pesisir seganten kidul kanyata ugi mboten kawon kaliyan olah tetanen ing pesabinan.
Laladan Kabupaten Bantul gadhah garis pantai ingkang panjang wiwit saking pesisir pandansimo engga parangtritis. Lahan ingkang wonten ing papan menika saperangan mujudaken sultan ground, lahan pesisir kidul ingkang mujudaken siti gadhahanipun kasultanan ngayogyakarta, rumiyinipun mujudaken setunggaling lahan ingkang bera. Ananging wekdal samenika kawonteninipun sampun walik grembyang, lahan pesisir ingkang sewau bera samenika sampun ketingal ijo royo-royo kebak maneka werni taneman hortikultura, kawontenan ingkang mekaten menika mboten saged uwal saking inggiling greget warga masyarakat pesisr samas ingkang kupiya badhe nikelaken karaharjanipun, salah setunggalipun kados ingkang dipun kupiyaaken dening mujiya saeneh kadang tani sakinng Patihan Gading Sari Sanden Bantul, ingkang tumut nggulawenthah lahan pesisir patihan . Sampun puluhan tahun piyambakipun ngemonah lahan peisisr pandansimo kanthi dipun tanemi lombok, melon, lan sak piturutipun. Asilipun ugi maremaken, lan saged kangge nyeakapi kabetahan kulawarganipun, dip[un akeni dening tumiji, lahan pasir mujudaken lahan ingkang marginal lan kirang unsur haranipun. Supados saged dipun tanemi kedah dipun tambahi manekawerni rabuk organic, sarta rabuk kimia, saben setunggal hektar lahan mbetahaken sekedhikipun sedasa ton rabuk organik.
Sawetawis kangge nyekapi kabetahan toya irigasi, mujiyo ndamel sumur pantek ing sakpinggiring lahan. Toya sumur dipun inggahaken mawi kompa toya ingkang saklajengipun dipun ilekaken ing lumantar pralon ingkang dipun pasang ing lahan. Asiling olah tetanen ing lahan pesisr seganten menika mboten kawon kaliyan taneman ingkang dipun tanem ing lahan umumipun.
