TVRI YOGYAKARTA NEWS-ADI NUGROHO-WENDY WICAKSONO
Kacang panjang hibrida jinislomng silk mekaten mujudaken setunggaling komoditas pertanian ingkang gampil dipun budidayaaken lan reginipun ugi ajeg. Mila mboten maiben menawi kacang panjang lomg silk kathah dados pilihanipun para kadang tani nalika purna nanem lombok.
Taneman kacang panjang jinis unggulamn long silk mekaten taksih dados piyandelipun kadang tani kangge mupangataken lahan tetanen sasampunipun nanem pantun. Cara ngrimat ipun ingkang gampil lan panyuwunan ing peken ingkang ajeg dados pawadan utami kathah kadang tani mbudidaya taneman menika. Sugiyono setunggaling kadang tani saking laladan lahan Gesik Cangkring Bantul ngandaraken bilih taneman menika dipun pilih amargi pangrimatanipun gampil. Sakderengipun nanem kacang panjang sejatosipun piyambakipun sampun nyobi nanem lombok lan nanem kacang sinaosa namung ing galengan. Nanging danguning dangu lajeng nanem kacang ing tegalan kanti gunggung ingkang langlung kathah. Saged kawuningan, taneman kacang panjang long silk menika mboten mbetahaken toya ingkang kathah. Menawi lahan ingkang dipun ginaaken kangge nanem kacang panjang menika sampun lembab mekaten kemawon sampun cekap. Menawi kekatahen toya malah ndayani taneman menika pejah. Salah setunggaling sesakit ingkang dipun temahi sakmenika inggih wontenipun kutu pethak ingkang ndamel perangan ronipun dados garing. Ama menika menclokipuin wonten ing perangan ron. Awits aking menika kangge ngawekani sumebaring ama menika, piyambakipun lajeng nyemprottaneman kacang panjang seminggu sepisan. Langkung sae malih menawi taneman kacang panjang menika sampun medal sekaripun lajeng kedah dipun semprot. Menawi telat anggenmipun nyemprot taneman menika saged pejah katerak ama wau. Saben kalih dinten sepisan, ngatirah saged panen kawan dsa kilo dumugi sewidak kilo kacang panjang seger kanti pengaos ing wedal sakmenika gamgsal ewu rupiah saben kilonipun. Saged kawuningna, kacang panjang menika saged dipun panen kaping dasabnana pethik menawi rabukipun ugi ajeg lan sae.
