TVRI YOGYAKARTA NEWS-WIDI-HARIF YUDHA
Para pamirsa, kajawi taneman terong, komoditas tetanen arupi taneman kacang panjang gadahjahnipun kadang tani ing laladan patihan, Gadingsari Sanden Bantul ugi katrajang virus jene.
Taneman kacang panjang ingkang katerak virius jene saged katitik saking ewahipun wernining ron saking ijem dados jene, kajawi menika kawontenaning ron ugi dados kriting. Menawi sampun katrajang virus menika taneman kacang panjang, mboten saged tuwuh kanthi sampurna lan mboten saged inggil utawi kunthing. Bab ingkang mekaten wau jalari who kacang panjang ingkang wonten mboten saged ngrembaka lan reginipun namung mirah. Emanipun dumugining wekdal samenika kadang tani tasih kathah ingkang nyepelekaken virus menika. Bab wau katitik tasih wontenipun lahan kacang panjang ingkang saperangan taneman katerak viruis jene, ananging tasih dipun jaraken kemawon. Mujiya saweneh kadang tani patehan ngandaarken bilih piyambakipun sampun ngupiyaken manekawerni cara, ewsementen virus meniak tasih ngrebasa. Mboten namung ronipun kemawon ingkang dados jene, ananging ugi wohipun. Sawetawis meniak saweneh popt semi mrateleken kedahipun menawi wonten lahan sampun wonten ciri – cirining virus kasebat kedfah dipun icali lan kdipun pendem saengga mboten nular. Kangge ngendhaleni ngrebasanipun virus jene menika bab ingkang kedah dipun wigatosaken inggih menika babagan winih ingkang badhe katanem. Winih ingkang katanem kedah kalis saking wontenipun virus sae menika wiwit ing papan pandheheran engga ing lahan taneman. Kajawi menika langkung sae menawi ing sakupenganing lahan kacang panjang wau dipun tanemi taneman “ perangkap “ kadosta wit jagung. Kanthi wontenipun taneman perangkap wau kewan kutu kebul ingkang mbeta virus jene dipun alihaken mencok ing taneman perangkap. Lan ingkang langkung wigati inggih menika njagi karesianing sakiwa tengening lahan taneman kacang panjang. Kajawi ngrebasa taneman lombok, tomat dalah kacang panjang virus jene ingkang dipun tularaken dening kewan kutu kebul menika ugi saged ngrebasa taneman melon menapadene taneman kangkung.
