TVRI YOGYAKARTA NEWS-MUCHAMAD RIDWAN
Engga sepriki taneman jengkol tasih kathah dipun lestantunaken dening warga masyarakat ingkang dedunung ing perenging redi merapi. Kajawi dipun dahar piyambak, jengkol dados salah setunggaling komoditas tetanen ingkag asilipun mikolehi.
Taneman jengkol kathah dipun prangguli ing laladan wana Dusun Petung, Kalurahan Kepuharjo, Kapanewon Cangkringan, Sleman, ron-ipun ingkang ngrembuyung ing saben cawanganipun, saengga taneman menika kathah dipun mupangataken kangge eyup-eyup. Sawetawis wohipun tuwuh ing saben cawang kanthi cakrik gepeng utawi bleweh. Jengkol padatanipun dipun olah dados lawuh, menapadene dipun dahar dados lalapan. Jengkol saged dipun olah dados rendang, semur engga balado. Ing donyaning kasarasan jengkol ugi dipun mupangataken lan dipun olah dados obat diare lan bahan kangge kramas rikma. Tuwuh kanthi subur, ing perenging redi merapi, taneman jengkol dados salah setunggaling komoditas kangge nambah wulu wektunipun warga. Lurah Kepuharjo, Heri Suprapto, ngandaraken sasampunipun dipun panen, woh jengkol dipun sade kanthi regi ing kisaran nem ewu saben sekilonipun, ing peken-peken tradisional, kaajwi dipun sade who jengkol, saperangan ugi dipun dadosasken winih, saengga samangke lestantun ing perenging redi merapi.
Pemerintah Kalurahan Kepuharjo tansah anjurung warganipun, nglestantunaken menapadene budidaya manekawerni taneman, wiwit kopi engga manekawerni taneman who-wohan.
