TVRI YOGYAKARTA NEWS-JATMIKO HADI
Sutresna taneman herbal, temtunipun mangertosi taneman sambiloto. Sinaosa gadhah raos ingkang pait, taneman menika kathah dipun tabnem lan dipun konsumsi jalaran gadhah mupangata ageng ing donyaning kasarasan.
Saweneh warga ingkang nanem taneman sambiloto inggih menika suharyanti saking Sawahan Banaran Galur Kulonprogo. Tanaman kanthi nama ilmiah andrographis paniculata menika mujudaken taneman herbal ingkang asalipun saking negari india lan sri langka, sarta saged tuwuh engga sangang dasanan sentimeter. Sambiloto gadhah cakrik tipis panjang kanthi poucukipun ingkang lincip. Masyarakat asring mupangataken ron lan witipun kangge obat herbal. Sinaosa raosaipun pait, sambiloto ngandut nutrisi, ingkang irit lan murakabi kangeg mbiyantb ngatasi menakwerni gangguan kasarsan, wiwit saking demam, masuk angin, obat radang, sakit padaran, kencing manis engga darah tinggi. Dipun olah kanthi cara dipun godhok, ngunjuk toya godhogan sambiloto saged nikelaken daya tahan badan saengga mboten gampil sakit.
Taneman sambiloto saged tuwuh ig kebon utawi ing pekawisan griya. Cara ngrimatipun ugi gampil, cekap dipun papanaken ingkang panggenan kengiing sunaring surya langsung, dipun sirami lan dipun rabuk kanthi ajeg. Taneman sambiloto badhe tuwuh kanthi subur, lan ing jangka wekdal ingkang cepet sampun saged dipun panen, diolah lan dipun konsumsi.
