TVRI YOGYAKARTA NEWS-WIDI-HARIF YUDA
Embung gadah mupangat ingkang ageng kangge nampung toya, nyekapi kabetahan irigasi, sarta konservasi toya. Jumbuh kaliyan mekaring jaman, embung ugi dipun kemonah dados papan wisata, salah setunggalipun inggih menika embung kali aji ing Turi Sleman.
Kados mekaten menika wujudipun embung kali aji. Ketingal resik lan damel sengsem ingmanah. Kapandingaken kaliyan embung sanesipun, embung ingkang radi wiyar menika pancen ketingal langkung asri jalaran dipun kupengi kebon salak menapa dene sengon laut, saya malih ing sakiwatenging wembung ugi dipun bangun pendapa sarta papan kangge ngaso. Embung ingkang asring dipun dadoskaen papan kangge pasanggiri mancing tataran kabaupaten menika mapan ing Dusun Sangurejo Wonokerto Turi Sleman. Embung ingkang nembe kemawon purna dipun kepyaaken minangka papan wisata enggal dipun bangun wiwit tahun kalih ewunan menika dumugi wedal samenika dipun mupangataken dening warga kangge ngingah ulam sarta kabetahan irigasi. Eembung ingkang dipun bangun ing saingiling siti kanti wiyar sekawan hektaran persagi menika saged ngemot kalih dasanan ewu meter kubik toya, kanti tujuwan saged kangge nyekapi kabethan irigasi dasanan hektar sabin ing laladan ing sainggilipun. Dumugi wedal samenika embung tasih ketingal resik lan wetah jalaran ugi dipun kemonah kanti sae dening para warga. Suharto salah saweneh warga ingkang kagabung ing klempalan organisasi warga pengelola embung wisata kaliaji. Embung menika ugi dipun dadoskaen papan kangge plesiran warga kanti mundhut konsep eko wisata lan konservasi toya.
Kanti wontenipun embung menika, kabetahan olah tetanen ipun warga ugi lajeng kacekapan kanti sae ingkang wusananipun ugi nyengkuyung asil panen. Embung kali aji dereng nate asat jalaran ing tengahing embung wonten sumber toya, ing embung kali aji mangkenipun ugi tasih bade dipun bangun malih manekawerni srana leladosan umum talebet taman lan gazebo kangge nyengkuyung program ekowisata. Mboten maiben ing wanci sonten menapadene dinten preen papan menika tansah regeng dipun datengi warga masyarakat ningali sesawangan alam mancing, kepara ugi kangge kemah.
