TVRI YOGYAKARTA NEWS-SETYA BUDI
Sinaosa dipun tanem ing mangsa jawah, ananging kadang tani janganan mliginipun kangge jinis sawi ing laladan Kabupaten Gunungkidul pikantuk asil panen ingkang maremaken.
Sampun wiwit sak tengahing mangsa jawah ing tahun menika, kadang tani ing laladan Kalurahan Duwet Kapanewon Wonosari sami nanem komiodutas janganan mliginipun kangge jinis sawi. Ing laladan menika sawi saget tuwuh kanthi sae sinaosa gununggungipun jawah mboten katah kados tahun sakderengipun. Asilipun ugi kanyata maremaken. Sarwoto salah saweneh kadang tani janganan ing papan menika waleh, ing mangsa jawah tahun menika piyambakipun sampun nindkaken panen sawi engga ambal kaping kalih. Bebathenipun ugi kapetang inggil, amargi mboten katah kadang tanin ingkang nanem janganan mliginipun jinis sawi ing mangsa rendeng. Setunggal kilo sawi pitun aosi 4 ewu rupiyah, regi kasebat langkung inggil kabandingaken panen sakderengipun ingikang namung 2 ewu rupiyah saben kilonipun. Ing saklebeting nindakaken panen sepisanan, piyambakipun pikantuk asil engga setunggal ton sawi kanthi pengaos 4 yuta rupiyah.
Sarwoto langkung milih nanem janganan jinis sawi amargi mangsa panenipun inghkang cekak kabandingaken jinis janganan sanesipun. Taneman sawi mekaten sampun sahget dipun panen sak sampunipun umur setunggal wulan.
