TVRI YOGYAKARTA NEWS-SETYA BUDI
Sinaosa kawontenan siti lahan olah tetanenipun mujudaken siti kapur, ananging ing mangsa panen sakmenika kadang tani ing laladan Kapanewon Girisubo Kabupaten Gunungkidul pikantuk asil panen ingkang sae, mliginipun kangge jinis taneman palawija.
Ing wekdal sakemnika, kadang tani ing kaliutrahan nglindur Kapanewon Girisubo Kabupaten Gunungkidul saweg nindakaken panen jagung. Ing mangsa panen jagung sakmenika, sinaosa taneman jagung dipun tanem ing sak nginggiling siti ingkang ngandet kapur, ananging asilipun ugi maremaken. Kajawi jagung, kadang tani ing laladan menika ugi sami nanem palawija sanbesipun salah setunggalipun inggih menika kacang brol. Supin salah setunggaling kadang tani ing kalurahan nglindur waleh, bilih sinaosa kawontenan lahan pesabinan ing laladanipun menika katah katahipun mujudaken lahan kapur, ananging menawi dipun rimat kanthi estu taneman palawija inghkang dipun tanem kadang tani asilipun saget sae. Kadang tanin ing laladan menika sami nanaem komoditas palawija ing sak sela selaning lahan kapur ingkang wonten. Sinaosa ing purwakaning mangsa tanem kjapengker taneman jagungipun katerak ama uler, ananging awit pangrimatanipun ingkang sae kanthi migatosaken kacekapan rabuki sae menika rabuk organik menapa dene kimia, ing mangsa panen sakmenika piyambakipun saget pikantuk engga 25 sak jagung.
Kadang tani lahan kapur menika padatan ndamel lahan pesabinanipun kanthi cara terasiring, kangge ngawekani saya sudanipun lapisan siti ingkang wonten ing sak nginggilipun sela kapur, saengga tetep saegt dipun tanemi palawija.
