TVRI YOGYAKARTA NEWS-WIDI-HARIF YUDA
Susados raja kaya mliginipun menda tuwuhipun sae lan saras, karesikaning badan ipun kedah dipun jagi. Salah setunggaling cara kangge njagi ksarsaning menda inggih menika dipun guyang.
Ningali menda ingkang dipun ingah, lema tur resik kados mekaten menika temtunipun ngremenaken sanget. Supados lema lan resik menika kadang tani ing saklebeting nggulawentah pancen kedah estu sanget, wiwit saking pakan menapadene njagi karesikaning kulit lan wulunipun. Salah setunggaling cara njagi karesikaning menda kala wau inggih menika dipun guyang. Salah setunggalipun kados ingkang katindaken dening rahno saking modalan, banguntapan bantuil menika. Rahno ngguyang mendanipun seminggu kaping kalih, utawi gumantung kaliyan reged-ing wulu menda. Ing saklebeting ngguyang menda gembel menika ugi dipun sabuni mawi sabun deterjen nembe dipun sikat. Kangge ngicali inthil utawi bucalan menda ingkang nemplek ing wulu menda ngginaken pirantos mirunggan saking sikat kawat alus. Sasampunipun resik menda-menda menika dipun cencang supados garing. Rahno nambaahken bilih kanthi dipun guyang, menda tebih saking laler menapadene cathak ingkang asring ngrisak perangan mripat ipun. Rahno ugi ngandaarken bilih supados mendanipun lema ing saklebeting nyukani pakan ngginaken pakan ijeman arupi suket, lan kleci utwi kulit dangsul. Pakan ikleci wau dipun sukkaken wanci enjing watawis setunggal kilonan, lan ing wanci sonten nembe dipun sukani pakan ijeman utawi suket. Wekdal sakmenika rahno gadhah menda cacah pitu, wonten sekawan jaler lan tigang babonan. Ing pangangkah wulan besar samangke, menda jaler badhe dipun sade kangge nyekapi panyuwuanan kewan kurban. Miturut rahno usaha budidaya menda ing wekdal sakmenika asilipun saya mikolehi.
