TVRI YOGYAKARTA NEWS-HENDRY SAPUTRA-ABDUL ROCHIM
Pasudiyanipun rabuk ingkang winates ndamel sesanggemanipun kadang tani pantun awrat, sawetawis menawi mundhut rabuk piyambak pengaosipun tandsaya inggil.
Pantun taksih dados bahan pangan ingkang pokok mengahing warga masyarakat indonesia. Ananging ing wekdal sakmenika kadang tani pantun nemahi pepalang tansaya inggilipun regi rabuk. Kamangka rabuk menika kalenggahanipun mirunggan sanget ing saklebetuing nindaaken budidaya pantun. Bejo setunggaling kadang tani pantun ing laladan Pandowoharjo Sewon Bantul ngandaraken bilih catu rabuk saking pamerintah mboten nyekapi kabetahan kadang tani, mboten namung menika, pasudiyanipun ugi sekedhik.
Langkung tandes piyambakipun ngandaraken bilih kangge ngawekani bab wau kadang tani kapeksa mundht rabuk piyambak ingkang pengaosipun inggil. Kamangka rabuk dados setunggaling perangan wigati kangge ndamel tuwuhing taneman pantuns ae. Menawi rabukipun kirang, taneman pantun mboten tuwuh sae, tundhonipun saged gagal panen. Kadang tani ngajab dumateng pamerintah supados langkung migatosaken kabetahan rabuk menika supados sage dngentheng-entengajen sesanggemanipun kadang tani ing pangajab pasudiyan wos ing pekenan tetep kajagi.
