TVRI YOGYAKARTA NEWS-WIDI
Para pamirsa , ngawekani ngrebasaning wereng batang coklat, kadang tani kasuwun langkung nyetitekaken kawontening lahan olah tetanen pantunipun. Menawi ing lahan sampun dipun panggihaken wontenipun WBC kedah enggal–enggal dipun kebdaleni supados mboten saya nyebar ing lahan sanes.
Kadang tani ing laladan DIY saperangan ageng wekdal samenika saweg nanem pantun ingkang umuranipun antawiwiipun kalih engga tigang wulanan. Salah setunggalipun inggih menika ing laladan Lendah Kulonprogo. Sinaosa ketingal subur, saweneh popt lendah semi, nyuwun dhumateng kadang tani supados mboten lena saking ngrebasaning ama kalebet wontenipun wereng batang coklat. Miturut semi, kawontenan hawa ingkang lembab saged ndamel ngrembakaning ama wereng jalaran tigan wereng wau badhe sami netes. Kadang tani kedah langkung nyetitekaen lahan olah tetanen pantunipun lan greteh ing saklebeting nggulawenthah. Menawi sekawit kadang tani namung mirsani saking sakjawining lahan pesabinan, samenika kedah miyak lan naliti taneman pantunipun. Menawi ing setunggaling grumbulan pantun sampun dipun panggihaken populasi wereng langkung saking sedasa iji kedah enggal-enggal paring palapuran dhumateng bebadan ingkang kawogan. Lahan taneman pantun gadhahanipun kadang tani ing laladan Lendah, saperangan sampun dipun brebasa wereng batang coklat utawi WBC. Wereng batang coklat menika ngrebasa peranganing taneman pantun sisih ngandhap wiwit taneman wiwit alit saengga saged ndamel pejahing taneman, lan menawi mboten enggal-enggal dipun kendhalaleni saged ndadosaken gagal panen. Cara ngendhaleni wontenipun wereng soklat menika kedah dipun wiwiti nalika ndeder winihipin, langkung prayogi kadang tani mboten tumbas winih saking laladan ingkang sampun katerak wontenipun ama wereng soklat, langkung sae menawi ndamel winih piyambak ngginaken gabah ingkang gadhah bobot kualitas sae lan sampun wonten partisaranipujn utawi bersertifikat.
