TVRI YOGYAKARTA NEWS-JATMIKO HADI
Saweneh kadang tani ing laladan kabupaten kulonprogo sambat awit andhapipun pengaosing lombok mliginipun jinis rawit. Ing tataran kadang tani setunggal kilo lombok rawit namung dipun caosi 15 ewu rupiyah.
Salah saweneh kadang tani lombok saking laladan Karang Sewu Galur Kulonprogo, giyanto waleh, bilih sampun sawetawis wekdal menika piyambakipun manen lombokipun piyambak, lan mboten ginakaken tenaga berah panen. Bab menika kangge ngirangi beya awit saya mandhapipun pengaosing lombok mliginipun jinis rawit ing tataran kadang tani. Menawi sakderengipun pengaosing lombok rawit ing tataran kadang tani ngancik 25 ewu rupiyah saben kilonipun, sakemenika nampung 10 ewu rupiyah sekilonipun. Bab menika tentunipun ndamel kadang tani lombok nemahi kapitunan, amargi asil saking panen lombok mekaten mboten saget nutp kangge beya pangrimatanipun, wiwit saking ngolah lahan, beya tanem, kacekapan rabuk engga tenaga berah panen. Menapa malih opah kangge berah panen mekaten setungal riyang ngancik 100 ewu rupiyah saben tinyang ing saben dintenipun. Kamangka piyambakipun namung pikantuk asil panen lombok 8 dumugi 10 kilogram kemawon saben dintenipun.
Kangge ngirangi beya produksi, giyanto kapeksa manen lombokipun piyambak, sinaosa wekdal ingkang dipun betahaken langkung dangu.
