TVRI YOGYAKARTA NEWS-JATMIKO HADI
Kadang tani janganan ing laladan Kabupaten Kulonprogo sampun sawetawis minggu pungkasan menika pikantuk bebathen ingkang inggil, awit mindakipun sawetawis regi janganan. Salah setunggalipun inggih menika lencak ingkang pengaosipun mindhak engga 300 persen.
Salah setunggaling kadang tani janganan jinins lencak saking laladan karang wuni wates kulonprogo parsih ngandaraken, mindhaking regi janganan jinis lencak ing laladan Kabupaten Kulonprogo sampun dumados setunggal wulan pungkasan menika. Menawi ing dinten padatan regi lencak namung 3 ewu dumugi 4 ewu rupiyah saben kilonipun, sakmenika ngancik 9 ewu rupiyah saben kilonipun. Inggilipun regi lencak menika dipun dugi awit pasudiyan lencak ing pekenan ingkang sampun winates. Kanthi inggiling pengaosipun lencak menika, piyambakipun pikantuk bebathen ingkang inggil. Saben sekawan dinten sepindah parsih saget manen lencak watawis 50 dumugi 60 kilogram. Kanthi gunggung kasebat piyambakipun pikantuk asil 500 ewu rupiyah saben 4 dinten sepindah.
Woh lencak piyambak katah dipun mupangatek diniing warga masyarakat kangge dipun olah dados daharan utawi namung dipun dadosaken lalapan kemawon. Kajawi roadsipun ingkang eca, kanyata taneman lencak mekaten gadah kandetan gizi ingkang inggil ingkang mupangati tumrap badan.
