TVRI YOGYAKARTA NEWS-SETYA BUDI
Ing mangsa tanem sakmenika, kadang tani brambet ing laladan Purwosari Gunungkidul langkung milih nanem brambet jinis thailand, amargi kaanggep langkung tahan saking ngrebasaning ama lan sesakit.
Sampun wiwit 5 tahun kapengker menika, kadang tani brambet ing Dusun Gading Kalurahan Giritirto Kapanewon Purwosai Kabupaten Gunungkidul nanem brambet varietas thailand. Kapilihipun varietas thailand mekaten amargi kualitasipun kaanggep langkung sae kabandingaken kaliyan brambet jinis sanesipun, mliginipun tahan saking ngrebasanipun ama menapa dene virus. Kadang tani brembet ing papan menika ugib langkung milih nanem brambet ing tengahing mangsa rendeng. Sumandi salah saweneh kadang tani brambnet ing laladan menika waleh, bilih saking pengalamanipun saklebeting sawetawis tahun pungkasan menika, brambet jinis thailand menika mujudaken jinis brambet ingkang paling cocok dipun tanem ing laladan menika, ingkang gadahi kawontenan siti kirang mawur amargi mapan ing pareden. Ananging kanthi pangrimatan ingkang estu, budidaya brambet thailand ingkang dipun tindakaken dinging piyambakipun lan kadang tani brambet sanesipun menika saget tuwuh kanthi sae. Setunggal winih brambet saget ngasilaken engga dasanan rumpun brambet, saengga asil panen ugi langkung katah kabandingaken kaliyan jinins brambet lokal .
Menawi mlebet iong mangsa panen, asil panen brambet saking laladan Kalurahan Giritirto Kapanewon Purwosai Kabupaten Gunungkidul menika sampun dipun tebas dining para tengkulak lan bakul.
