TVRI YOGYAKARTA NEWS-ENDAH NAWANGSARI-WIDIYANTA
Kerajinan gerabah ing laladan Pundong, wekdal sakmenika kewetan anggenipun regenerasi, saperangan ageng pengrajinipun sampun yuswa sepuh.
laladan Pundong Bantul sampun kaloka minagka punjering asiling kerajinan gerabah. Duk rikala semanten usaha kerajinan gerabah saged dipun dadosaken cagaking gesang, dening atusan pengrajin ingkang ngembetaken ewonan tenaga karya. Asiling kerajinan ingkang dipun asilaken dening para pengrajin, wiwitanipun namung arupi keren, anglo, kendil lan sak piturutipun. Ananging jumbuh kaliyan kamajaneganing jaman, barang pirantpos bale griya kla wau sampun mboten kathah ingkang mbetahaken, saklajengipun para pengrajin sami ndamel cakrik enggal jumbuh kaliyan panyuanan peken arupi manekawerni sovenir, pot lan sakpiturutipun. Salah setunggalipun kados ingkang katindaken dening dasilan. Sak surutipun panyuwnan barang pirantos balegriya, saklajengipun dasilan dipun biyantu dening krabat kulawarganipun ndamel manekawerni cakriki sovenir menapadene pot. Emanipumn sinaosa uisaha kerajinan menika sampun run tumurun, wekdal sakmenika kewetan ing sak lebeting regenerasi. Para pengrajin umumipun sampun sepuh sinaosa wonten ingkang nem ugi namung setunggal kalih. Dasilan gadhah kekajengan, dhumateng wiranem, supados puruin nguri uri warisan leluhur, lan supados dipun remeni wiranem kedah nindaken inovasi, lan mekaraken daya kreatifitasipun. Kawuningana bilih panywuaunan gerabah ing purwakaning pagebluk covid sembilan belas medhak engga pitung dasanan persen. Ananging sasampunipun tigang wulanan dumadosing pageblug, panyuwuanan gerabah mliginipun pot kepara mindhak engga tigang atusan persen. Bab menika miturut dasilan saya kathahipun warga msyarakat ingkang sami nindak-aken usaha olah tetanen. Pot-asiling kerajinan menika kajawi kakintun dhumateng bakul pot ing laladan DIY ugi kakintun ing sadengeh kitha ing jawa tengah kadosta, Cilacap, Klaten sarta Semarang .
