TVRI YOGYAKARTA NEWS-JATMIKO HADI
Inggilipun regi janganan ingkang dumados sawetawis wekdal pungkasan menika, ndamel kadang tani janganan ing Kulonprogo pikantuk bebathen langkung katah. Salah setunggaling komoditas janganan ingkang pengaosipun inggil ingih menika kangkung.
Salah saweneh kadang tani janganan kangkung saking laladan Kalurahan Karangwuni Wates Kulonprogo saiful nelakaken, bilih mindhakipun regi kangkung sampun dumados setunggal minggu pungkasan. Menawi sakderengipun pengaosing kangkung namung Rp. 8000-9000 saben 12 unting rupiyah, sakmenika dados 17 ewu rupiyah saben 12 untingipun utawi sejinah. Piyambakipun saben minggunipun saget manen kangkung engga 100 jinah, saengga ing sakelebeting setunggal minggu sepindah saiful pikantuk asil setunggak koma 7 yuta rupiyah, utawi mindhak kalih lieptipun saking dinten padatan. Winatesing pasudiyann kangkung ing pekenan mekaten, dipun dugi ingkang mangaribawani mindhaking regi kangkung ing pekenan. Menapa malih wekdal sakmenika katah kadang tani janganan ingkang nemahi gagal panen awit kadayan kawontenan cuaca ing mangsa pancaroba menika.
Saiful piyambak langkung milih budidaya taneman kangkung amargi kajawi mangsa panenipun cekak watawis 30 dumugi 40 dinten, pangrimatanipun ugi gampil. Panyuwunan peken ugi ajeg klabandingaken jinis janganan sanesipun.
