TVRI YOGYAKARTA NEWS-WIDI-HARIF YUDA
Budidaya ulam gurameh nggadhai pangajeng-ajeng ingkang sae, jumbuh kaliyan engeting warga masyarakat nyekapi kabetahan protein, sarta bobot ekonomi ingkang inggil, wusananipun nambah wulu wektu.
Ulam gurame mujudaken salah satunggaling jinis ulam ingkang gadhah bobot ekonomi inggil. Pengaosipun tansah mindhak lan panyuwuanan peken tasih inggil. Usaha budidaya ulam gurameh menika mboten mbetahaken pangrimatan ingkang njlimet kadosdene budidaya ulam jinis sanesipun. Salah satunggaling klempakan tani ulam ingkang nindaken usaha budidaya ulam gurame inggih menika pokdakan siti mina saking Siwalan Sentolo Kulonprogo. Pokdakan menika sampun nindaken usaha budidaya ulam gurame wiwit kalih ewu selikur kapengker, lan warganipun samenika ngancik gansagl welas tiyang. Sinaosa ing mangsa ketiga pokdakan menika tetep nindaken usaha ngangengaken ulam gurame. Toya ingkang dipun ngginaken inggih menika toya saking tuk ingkang wontening padusunan siwalan. Benten kaliyan cara budidaya gurame umumipun, usaha ulam gurame ing papan menika kationadken ing toya ingkang mili. Toya saking tuk ingkang wonten dipun ilekaken ing blumbang, ngginaken pralon. Menggah wadhah ingkang dipun ginaken inggih menika blumbang terpal cakrik bunder, sarta blumbnag cor cakrik kothak. Wekdal sakmenika woen sedasanan blumbang kangge budidaya gurame. Pakan ingkang dipun ngginaken inggih menika pakan ijeman lan pelet, sawetawis anggenipun makani ing wanci enjing lan sonten . Pakan ijeman dipun sukaaken saben dinten, sawetais pelet namung saben tigang dinten sepindah ingkang ngemu tujuwan kangge nyepeaken tuwuhing ulam. Lumanatar cara menika saking asiling pengalamanipun pokdakan siti mina langkung irit lan murakabi, sarta jangka panenipun ugi langkung cepet. Ulam gurame menika sampun saged dipun panen ing jangka wekdal gansgal wulan lan siyaga dipun konsumsi kanthi awrat gansgal dumugi nem ons. Pengaosing ulam gurame sekilonipun ngancik kawan dasa gansgal ewu rupiyah. Kangge sawetawis wekdal ulam gurameh menika dipuns ade dhumateng warga masyarakat ing sakiwatenengipun. Pokdakan siti mina ugio badhe nambah gungguning blumbang jumbuh kaliyan pamekaraning laladan menika ingkang dados pounjering usaha budidaya ulam, ingkang badhe diupun jangkepi kanthi wontenipun peken ulam, wande daharan, laboratorium perikanan sarta anyengkuyung wisata watu bulus tebing progo.
