TVRI YOGYAKARTA NEWS-MUHAMMAD RIDWAN
Para pamirsa, manekawerni jinis taneman saget dipun mupangataken kangge pager ing pekarangan, salah setunggalipun inggih mneika deling cendani.
Kados mekaten menika wujudipun deling cendani ingkang dipun mupangataken kangge pager ing laladan wisata teras merapi ingkang mapan ing Kalurahan Glagaharjo Cangkringan Sleman. Taneman deling ingkang inggilipun namung 3 meteran kemawon menika, batangipun gadahi werni kuning radi jene. Wontenipun taneman deling ing laladan wisata menika, kanyata ndamel laladan wisata teras merapi langkung endah lan asri. Miterat warga, cara ngrimat taneman deling cendani menika ugi namung gampil. Supados saget tuwuh subur, taneman menika namung betahaken panyiraman ingkang ajeg utawi nuweni kawontenan sitinipun. Sawetawis ing saklebeting ngrabukipun, cekap ginakaken rabuk organik saking ron gariong, lan bucalan menda menapa lembu. Anggenipun ngrabuk dipun tindakaken kalih wulan sepindah. Kanthi nanem deling cendani ing papan wisata menika, dipun ajab tumut nglestantunaken deling cendani ingkang sampun awis – awis dipun prangguli ing sak tengahing masyarakat. Kajawi kangge pager pekarangan, deling cendani padatanipun ughi asring dipun mupangataken kangge bahan ndamel kerajinan.
