TVRI YOGYAKARTA NEWS-JATMIKO HADI
Sinaosa sakmenika gunggunging pengrajin klasa ingkang bahan bakenipun ginakaken mendong gunggungipun winates, ananging mboten ndamel para bakul klasa menika kendel. Para bakul tasih nyade daganganipun ing peken – peken tradisional.
Salah setunggaling bakul klasa mendong ingkang dumugining wekdal sakmenika tasih nindakaken pakaryan minangka bakul klasa inggih menika sajikem, saking laladan Pandak Bantul. Piyambakipun sampun langkung saking 40 tahun nyade klasa saking mendong ing peken – peken tradisional ing laladan DIY. Kaleresan ing wekdal kapengker piyambakipun nyade klasa mendongipun ing peken kliwon Kranggan Kapanewon Galur Kulonprogo. Ing saklebeting nyade klasanipun, sarjikem dipun rencangi dining garwanipun. Sarjikem ngakeni bilih ing wekdal sakmenika piyambakipun kewetan kulakan klasa saking mendong, awit saya winatesing para pengrajin klasa menika. Katah – katahipun pengrajin klasa menika mujudaken tiyang ingkang yuswanipun sampun sepuh, saengga anggenipun ndamel ugi mboten saget cepet.
Sinaosa bebathen ingkang dipun asilaken mboten katah, ananging sajikem tansah setya tuhu nglampahi pakaryan dados bakul klasa mendong menika. Kangge nambah wulu pamedal, piyambakipun ughi nyade manekawerni kerajinan sanesiopun wiwit saking karung goni engga anyaman gedhek.
