TVRI YOGYAKARTA NEWS-WIDI-HARIF YUDA
Para pamirsa, ngingah kambangan kanthi cara dipun kandhangaken utawi ingkang asring sinebat budidaya kambangan ing lahan kering, kanyata asilipun langkung sae. Kajwi menika lingkungan ugi mboten ke ganggu saking gadndanipun bucalan kambangan.
Kambangan mujudaken setunggaling jinis iwen ingkang nggadhai daya kekiyatan ingkang ageng ing salebeting ngasialaken tigan kajawi ayam. Kalangkunganipun ngingah kambangan inggih menika langkung tahan dhateng wontenipun sesakit kapandhingaken kaliyan ayam. Rumiyinipun kadang tani anggenipun nginngah kambangan inggih kanthi cara dipun angon saking sawh setunggal pindhah dhateng sawah sanesipun. Ananging saya ciut ipun lahan kangge angon sarta kathahipun kambangan ingkang pejah jalaran keracunan pestisida njalari sala alitipun teteiayng ingkang ngingah iwen kambangan. Ngungani bab ingkang menaketn wau wonten salah satunggaling cara ingkang saged katindaaken dening kadang tani nbalika badhe ngingah kambangan inggih menbika kanthi cara dipun kandhangaken. Jarwa saweneh kadang tani nelak-aken ngingah kambangan kanthi cara menika langkung paring bebathen kapandhinaken kaliyan menawi dipun angon ing antawisipun asiling tigan langkung kathah,kasarasaning kambangan langkung kajamin sarta beya produksinipun langkung irit lan murakabi, kajawi menika kadang tani ugi saged ngingah langkung kathah. Ananging ingkang kedah dipun wigatosaken ing salebeting ngingah kambangan cara menika pakanipun kedah dipun gatosaken sanget wiwit babagan gisi lan proteinipun. Saben setunggal dinten saben setunggal iji kambangan kedah pikantuk ransum tetedhan katahipun setunggal koma pitung ons. Ing saklebeting budidaya kambanag menika jarwa ngginaken pakan arupi pelet, bekatul, kleci sarta rompesan. Pengaosing tigan ka,mbanagn sakmenika saking tataran kadang tani ngancik kalih ewu kalih atus saben ijinipun.
