TVRI YOGYAKARTA NEWS-WIDI-ENDAH
Para pamisra, kangge nikelaken bobot ekonomining lidah buaya, kaum pawestri ing Sumberan Ngestiharjo Kasihan Bantul ngolah lidah buaya dados stick lidah buaya.
Lidah buaya ingkang kathah mupangatipun tumprap kasarasanan badan, kanyata ugi saged dipun olah dados manekawerni mangsakan, unjukan engga nyamikan. Salah setunggalipun stik lidah buaya ingkang kados dipun damel dening warganing KWT sumber rejeki saking Dusun Sumberan Ngestiharjo Kasihan Bantul menika. Bahan ingkang dipun ginakaken kangge ndamel stik inggih menika ron lidah buaya, glepung trigu, glepung tapioka, tigan, margarin. Kangge nambah raosipun ngginaken bumbu arupi kaldu bubuk, sarta sarem. Saderengipun dipun olah ron lidah buaya dipun pendet dagingipun langkung rumiyin, saklajengipun dipun iris alit lan dipun remes-remes mawi sarem kangge ngicali lendiripun. Sasampunipun menika dipun kumbah ing toya ingkang mili, nembe dipun blender. Sedaya bahan, dipun campur mawi glepung trigu lan tapioka kanthi ukuran tinamtu, blenderan lidah buaya dipun lebetaken sekedhik mbaka sekedhik ing adonan sinambi dipun uleni engga kalis. Ing saklebeting nguleni kedah ngginaken pucukning nyarui supados asilipun sae. Sasampunipun kalis nembe dipun cithak ngginaken mesin, lan tataran ingkang pungsakan inggih menika dipun goreng ing lisah benter.
Raosing stik lidah buaya menika kempripik lan gurih, pas kangge nyamikan sinambi ngunjuk teh ginastel. Stik lidah buaya menika lumantar media sosial, menapadene nalika nyartani setunggaling pameran, kajawi stik, ron lidah buaya kaum pawstri ing laladan menika dipun damel onde-onde krupuk, cake engga nata dealoe.
