TVRI YOGYAKARTA NEWS-MUHAMMAD RIDWAN
Taneman kates mujudaken salah setunggaling taneman woh – wohan ingkang gampil dipun budidayaaken. Kajawi dipun tanem ing sabin, kates ugi saget dipun tanem ing kebon menapa dene pekawisan griya.
Salah setunggaling jinis kates ingkang katah dipun budidayaaken dining walgito warga masyarakat inggih menika kates jepang. Kados ingkang dipun tindakaken dining salah saweneh warga saking dusun keceme catuyr harjo sleman menika. Taneman kates ingkang dipun tanem ing kebonipun menika tuwuh subur, kacihna saking kawontenan ronipun ingkang ngrembuyung. Supados taneman kates jepang menika saget tuwuh kanthi maksimal, kedah dipun gatoisaken babagan panyiraman lan ngrabukipiun. Walgito langkung milih nanem kates jepang menika kajawi ngrimatipun gampil, ugi gadahi sawetawis mupangat tumrap badan. Ron kates jepang ingkang tasih enem mekaten, ngandut manekawerni mupangat lan menawi dipun olah lan dipun dahar saget njagi lan ninbgkataken daya tahan badan, gancaraken asi, ngobati sembelit, ngedhakaken kolseterol, ngawekani sesakit jantungengga ngedhakaken tataran gendis ing rah. Kajawi dip[un mupangataken kangge nyekapi kabetahan janganan ing padintenan, kanthi budidaya taneman kates jepang menika ugi saget nambah wulu pamedaling keluwarga kanthi nyade ron kates jepang menika ing pekenan. Walgito pioyambak sampun kawit rumiyin nanem kates jepang menika.
