TVRI YOGYAKARTA NEWS – JATMIKO HADI
Sawetawis bakul sami sambat jalaran tasih sepenipun panyadening kewan kurban ing dinten riyaya kurban tahun menika.
Sepening sesadeyan kewan kurban menika saged dipun raosaken deing para bakul ing Pasar Hewan Terpadu Pengasih, Kabupaten Kulonprogo. Ndungkap tumapaking dinten riyaya kurban, peken kewan ingkang ageng piyambak ing Kulonprogo menika sakjatosipun mboten nate sepen. Atusan bakul menapadene warga masyarakat sanesipun ngebaki peken menika ngepasi pasaran ing peken menika inggih menika legi. Sinaosa sampun ketingal regeng para bakul mratelaken bilih tasih sepen tiyang ingkang badhe tumnbas kewan kurban. Bab menika dipun sebabaken jalaran tasih sekdhikipun shohibul kurban ingkang dateng ing peken menika. Tukiran saeneh bakul ngandarken bilih npiyambakiopun nembe saged nyade gansagl lembu wiwit minggu-minggu pungkasan menika. Gunggujing kasebat tebih kaliyan tahun kapengker ing wekdal ingkang sami. Mandhaping panyunanan menika kadugi jalaran kawontenan ekonomi masyarakat ingkang dereng ajeg utawi stabil, dipun tambah malih titi nlksananing kurban ugi nyarengi pendaftaran mlebet sekolah.
Regi kean kurban, ugi tasih ajeg kadosdene tahunkapengker. Regi kean kurban kangge lembu ukuran sedengan kalih likur dumugi selangkung yuta, menggah menda 2,5 engga 3,5 juta saben ijinipun. Regi kewan kurban sampun wiwit mindhak ananging tasih alit indhak-indhakanipun.
