TVRI YOGYAKARTA NEWS – SETYA BUDI
Cara tanem jajar legowo wekdal sakmenika kathah katindaken dneing kadang tani ing Karangmojo, Gunungkidul. Kajawi nggampilaken nalika ngrimatipun, cara tanem jajar legowo menika ugi saged ngindhak-aken asil.
Jajar legowo mujudalken salah setunggaling cara tanem pantun ingkang kathah katindaken dening kadang tani ing Dusun Gelaran Satu, Karangmojo, Gunungkidul. Cara tanem menika kathah dipun pilih jalaran gadhah manekawerni kaluwihan, ngrimat lan ngrabukipun langkung gampil, lan saged ngindhaaken produktifitas pantun. Cara tanem jajar legowo taneman pantun dipun selang seling kaliyan wontenipun setunggaling lorong ingkang kothong. Kadang tani ing papan menika nginaken jajar legowo sekawan setunggal saerta gansgal setunggal, tegesaipun ing sekawan larikan taneman pantun dipun selingi wontenipun setunggal lorong. Slamet abdul kharim saweneh kadang tani mratelaken bilih kanthi cara tanem menika asilipun saya kathah kapandinagekn kaliyan cara tanem ubinan. Cara ngrimat taneman langkung gampil, mekaten ugi ing babagan ngrabuk lan ngresiki gullmanipun. Lorong ingkang wonten ing sela selaning taneman pantun menika nggampilaken kadang tani nalika badhe nggulawenthah tanemanipun.
Winih ingkang dipun tanem mboten kedah jero nalika dipun ceblokaken ing lahan, ingkang wusananipun taneman langkung cepet nyerep unsur hara sarta rabuk.
