TVRI YOGYAKARTA NEWS – JATMIKO HADI
Warga saking Dusun Taruban Sentolo Kulonprogo gelar tradisi ritual adat bersih desa luwaran. Dipun awiti kanthi mendet toya suci, warga saklajengipun kenduri agung minangka raos syukuripun dhumateng ngarsanipun gustib ingkang murbeng dumadi.
kados mekaten menika prosesi ritual mendet toya suci, minagka reroncening acara upacara adat bersih desa luwaran, ingkang dipun tindaken deing warga ing Dusun Taruban Sentolo Kulonprogo. Sinartan sedaya warga saking kalih padukuhan ningguih menika taruban kulon lan taruban wetan, sesepuh adat mandegani prosesi mendet toya suci ing sendang kamulyan, ingkang mujudaken sendang kramat ing dusun taruban. Keramat di dusun taruban. Saampunipun dipun pendet lan dipun wadhai ing toples, toya suci menika dipun kirab tumuju makom leluhur, saderengipun dipun pasrahaaken dhumateng para dukuh minagka pralambang nyucekaken diri sedaya warga. Toya suci menika saklajengipun dipun dongaken sesarengan ing kenduri agung minagka pucuking acara upacara adat bersih desa. Acara bersih desa luwaran menika dipun adani minagka wujud syukuripun warga, dhumateng gusti ingkang maha kawasa alwit peparingipun rejeki, sapanjang tahun ngiras pantes anyenyuwun kalancaran, rejeki ing tahun candhakipun.
Ing pucuking acara kenduri agung warga masyakarat ami mbeta ubarampe arupi sekul, ingkung jangkep kaliyan ubarampenipun. Daharan menika saklajengipun dipun dahar sesarengan, minagka wujud syukur ingkang kagungan hajad utawi nazar lan dipun kabulaken dening ngarsaning gusti. Minagka panutuping acara kagelar ringgit wacucal sedalu natas ing bale dusun.
