TVRI YOGYAKARTA NEWS – MARGOLARAS
Pamirsa, usaha tetanen saget dados pilihan pakaryan samben dumateng tiyang sinten ke mawon sak sampunipun pensiun saking pedamelan sak derengipun, kangge ngisi wekdal lan tambahan ulu wedal. Kadosta salah setunggal warga ing bantul, nindakaken usaha budidaya taneman woh jambu isi. Budidaya taneman jambu isi mboten awrat anggenipun ngalmaphi, sepindah tanem ke mawaon saget pinten pinten tahun gesang lan ngasilaken woh.
Ngupanagateken lahan pesabinanipun, jumadi salah setunggal warga ing Padukuhan Cangkring Sumberagung Jetis Bantul, milih usaha mbudidaya taneman woh wohan njih menika jambu isi, ingkang dipun tanemn ing sabinipun. Wit jambu isi menika sampun umur pitung tahunan saking wiwit tanem, dugi sak menika tasih ngasilaken woh. Kangge ngantisipas ama lan panyuwunan saking bakul, woh jambu kedah dipun brongsong ngangge plastik, rikala woh jambu tasih pentil. Miturt jumadi, wit jambu isi menika ngedalaken woh setahun kaping kalih. Setunggal wit rata rata medal sadasanan kilo pendak mangsa panen, kamangka ing sabinipun menika wonten kinten kinten seket wit. Hasil panen jambu isi sampu dipun pesen kalian bakul langganipun, dipun tumbas nem ewu saben sekilo wanci dinten normal, menawi panen ngepasi wekdal riyaya idul fitri, saget pajeng wolung ewu dugi sedasa ewu setunggal kionipun gumantung kualitas woh jambunpun. Kangge jumadi, namen taneman jinis woh wohan sampun dados kemaremanipun tinimbang budidaya taneman ayuran utawi pantun.
Jumadi mratelakaken bilih budidaya jamu woh menika langkung sekeca lan mboten awrat, sebab kejawi namung sepindah anggenipun nanem, ugi saget mapinten pinten dipun manen. Anggenipun ngirmat taneman sami kalian budidaya taneman sanesipun, kedah dipun pupuk lan dipun cekapi kabetahan toyanipun. Ingkang langkung utami mboten kelewatan njih menika proses mangkas taneman, supados cepet mawoh lan taneman boten cepet inggil. Saking skeet wit menika menawi dipun etang saget ngedalaken sekawan kwintal panenan woh jambu, sabensetunggal musim.
