TVRI YOGYAKARTA NEWS – ADI NUGROHO-WENDY
Ewah-ewahaning mangsa sarta kawontenan cuaca ingkang dumados saderengipun mlebet mangsa ketiga nuwuhaken manekawerni ama sesakit tumrap komoditas olah tetanen, kalebet terong ing lahan pasir bidara. Salah setunggaling ama ingkang damel kapitunan inggih menika ama kepik blorok.
Kadayan ewah ewahaning mangsa lan cuaca ingkang mboten kanten kantenan, taneman terong ungu gadhahanipun kirman, warga pesisir Budara Kulonprogo mboten saget tuwuh kanthi sampaurna jalaran risak dipun rebasa ama kepik. Warga asring nyebat ama menika kanti sebatan kepik blorok ingkang wusananipun nyecep nutrisi saking perangan pucuking taneman sarta pentil terong. Taneman terong mboten saged tuwuh lan ngremboko kanthi sae menawi smapun kenging ama menika. Kamangka kirman ugi sampun ngemonah lahan lan tanean terong ipun meniko kanthi cara ingkang sami kaliyan padatan. Ron taneman terong mboten saget sae. Kathah ingkang bolong dipun tedha uler lan walang, saperangan ageng ugi werni jene amargi katerak virus. Ewah-ewahan mangsa saderengipun mlebet mangsa rendeng kanyata ugi dados pawadan utami taneman menika mboten saged tuwuh kanti sampurna kados dene nalika dipun tanem ing mangsa ketiga ingkang tanpa jawah. Kejawi mboten saged tuwuh kanti sae menawi mboten greteh anggenipun ngrimat taneman terong ingkang asring kenging toya jawah lan benter kanyata ugi lajeng ringkih sanget kenging jamur lan sesakit sanes mliginipun ing perangan ronipun. Pawitan pengalaman puluhan taun ngemonah terong, kirman ugi sampun ngupiya nyemprot taneman terongipun saben bibar kenging toya jawah kanthi toya resik, ewo semanten taneman terong ungu meniko tetep mboten kalis saking ama lan sesakit. Saged kawuningan , ing mangsa ketiga ingkang asring jawah, ama ingkang kedah dipun waspadani ing antawisipun walang lan kutu cemeng ingkang remen ngrebasa pupus terong. Kirman langkung remen ngginaaken pestisida alami ingkang dipun damel saking toya kum-kuman sata. Pangginaning pestisida organik menika langkung aman kangge nyengkuyung lestantunipun lingkungn sarta mboten mbebayani tumrap kasarasan manungsa. Kangge rabuk, minto nengenaken ngginakaken rabuk kandang saking bucalan menda.
