TVRI YOGYAKARTA NEWS – HENDRY SAPUTRA-ABDUL
Minangka kangge taneman selingan, kanyata nindaaken budidaya mbayung murakabi, kejawi pangrimatipun gampil ugi saged dipun panen makaping-kaping.
Setunggal iket mbayung mbok bilih pengaosipun pancen mirah, ananging rahayunipun mbayung menika saged dipun panen makaping-kaping. Setunggaling wekdal panen saged ngancik setunggal atus iket. Setunggaling kadang tani bayung ing laladan sandenbantul ngandaraken bilih anggenipun ngrimat mbayung menika gampil sanget. Setunggaling ama ingkang ngrebasa inggih uler, menika kemawon mboten kathah. Kangge ngawekani bab menika piyambakipun kanthi ajeg niti priksa taneman bayung gadhahanipun kanthi mbucal uler ingkang nemplek wonten ing ron bayung. Taneman mbayung gadhahanipun menika smapun ngancik umur setunggal setengah wulan lan sakmenika smapun dipun panen kaping tiga. Langkung tandhes malih piyambakipun waleh bilih taneman mbayung menika, sanadyan gampil sanget katerak ama uler ing mangsa jawah kados menika, ananging tetep mujudaken setunggaling komoditi olah tetanen ingkang dados pilihan ingkang sae. Ingkang kedah dipun betahaken inggih menika langkung greteh anggenipun ngrimat. Pawitan ingkang dipun dal-aken namung sekedhik, ananging reginipun kapetang ajeg. Asil panenipun menika wau sampun dipun pendhet dening para bakul ingkang saklajengipun dipun pekenaken wonten ing laladan sleman lan kitha ngayogyakarta.
