TVRI YOGYAKARTA NEWS – WIDI-HARIF YUDA
Para pamirsa, usaha budidaya taneman palm sadang gadhah angajeng-ajeng ingkang sae, kajawi dipun dadosaken taneman hias, ronipun ugi kathah dipun mupangtaaken kangge dekorasi.
Taneman palem sadang ingkang gadhah nama ilmiah livistona rotundifolia menika saged tuwuh inggil ngancik puluhan meter lan gampil adaptasi kaliyan hawa benter. Taneman menika gadhah cakrik ron mirunggan kadosdene kipas, saengga kathah dipun mupangataken minagka tanemannn hias, ingkang kathhah dipun tanem ing sak pinggiring mergi menapadene ing taman. Panyuwuananing taneman palem sadang menika kapetang inggil, ronopin kathah dipun padosi dening panyudiya jasa dekorasi. Nguningani kalodhangan ingkang mekaten menika pardi saweneh warga saking Cawan Argorejo, Sedayu Bantul ,nindaaken budidaya palem sadang ing tegalanipun kanthi intensif. Ing saklebeting nindaken usaha budidaya taneman palem sadang menika katindaken luamntar tumpangsari kaliyan taneman jagung, kara benguk, lan tela pohung. Taneman menika saged kababar lumantar wijinipun ingkang sampun tuwa. Wiji ingkang kathah tuwuh ing sakiwatengening tanbeman indukan, langkung rumiyin dipun tanem ing setunggaling polibag, sasampunipun sewulanan nembe dipun pindah tanemaken ing lahan. Wonten puluhan wit palem sadang ingkang umuripun sampun langkung saking setahun, ananging ugi wonten ingkang nembe katamnem udakawis kalih wulanan. Taneman ingkang tuwuh ing tegalanipun menika menika, sinasoa mboten dipun upakaar kanthi estu ugi sampun saged tuwuh kanthi subur. Ama ingkang asring ngrebasa inggih menika walang, ingkang mangan ron, sarta sesakit cendawan fusarium sp. Utawi gloesporium sp, kanthi ciri ron werninipun jene lan danguning dangu dados cemeng. Taneman palm sadang menika ugi dipun sade winihipun saben ijinipun kanthi ukuran kawan dasanan sentimeter dipun sade selangkung ewu rupiyah, sawetawis ronipun ingkang ukuranipun ageng lan mboten caca, dipun kerta aji gansgal ewu rupiyah saben ijinipun.
