TVRI YOGYAKARTA NEWS – JATMIKO HADI
Nyelaki dinten riyaya kurban, panyadening kewan kurban sampun wiwit nemahi indhak-indhakan. Domba dugul kathah dipun padosi para calon shohibul kurban ing idul adha tahun menika.
Dinten riyaya kurban ndipun mupangataken dening umat muslim saperlu nindaken kurban. Kajawi lembu lan menda, domba ugi dados salah setunggaling pilihan kangge kurban. Mboten kados ing laladan sanes ingkang langkung milih domba ingkang gadhah sungu panjang kangge kurban, msyarakat ing kulonprogo kanyata langkung milih domba dugul kangge kurbanipun. Saweneh bakul domba heri prayitno, saking Glagah Temon Kulonprogo, ngakeni bilih piyambakipun sampun nyawisaken kathah domba dugul kangge pelangganipun. Kanthi regi ingkang sami, masyarakat saged pikantuk domba ingkang ukuiran lan bobot langkung awrat kapandinagken kaliyan domba sungu panjang.
Ningali peken ingkang kathah milih menda dugul, para bakul kadosdene heriu langkung kathah nyawisaken domba lokal menapaden peranakan jinis teksel engga merino. Sawetawis menika kangeg jinis domba sungu panjang kadosta garut mboten kathah dipun panggihaken ing dinten nriyaya kurban.
