TVRI YOGYAKARTA NEWS – MARGOLARAS
Dalam upaya mujudaken stabilisasi pasokan lan regi pangan ing bantul ngadepi riyaya idul adha. Badang Pangan Nasional Daerah Istimewa Yogyakarta ngawontenaken gerakan pangan mirah wonten ing bantul. Gerakan pengan murah kanthi wujud kegiatan peken mirah sembako ing bantul menika. Dipun ginelar wonten tengahing warga masyarakat ing desa.
Gerakan pangan murah kangge stabilisasi pasokan lan regi pangan dipun gelar Badang Pangan Nasional Daerah Istimewa Yogyakarta sesambetan kalian Dinas Ketahanan Pangan dan Pertanian Daerah Istimewa Yogyakarta. Bulog, Lan mitra disributor sembako. Dipun wontenaken ing padukuhan pinggir Desa Sidomulyo Bambanglipuro Bantul. Maneka werni bahan pangan sembako dipun cawisaken dumateng masyarakat kanthi tumbas reginipunlangkung mirah. Kadosta beras medium seket gangsal dugi seket enem ewu saben gangsal kilo. Beras sphp seket enem limangatus saben gangsa kilo. Lan beras premium mapan pitungdasa ewu saben gangsal kilo. Tigan selangkung ewu saben sekilo. Brambet tigang ndasa kalih ewu saben sekilo. Bawang pethak sangalas ewu saben sekilo. Lisah klentik nembelas ewu saben setunggal liter. Gendis pasir nembelas ewu saben setunggal kilo. Gandum sangawu gangsalatus saben setunggal kilo. Lan sanesipun. Miturut petugas badan pangan nasional. Gerakan pangan murah menika kangge nyawisaken kalih welas komoditas pangan strategis. Langsung wonten masyarakat mboten lumantar bakul. Sahingga dipun pangajab regi saget langkung mirah. Gerakan pangan murah menika ugi kangge njagi stabilisasi pasokan lan regi pangan. Sarta ngantisipasi indak indakan regi ngadepi riyaya idul adha.
Gerakan pangan murah awujud peken mirah dipun laksanakaken wontenipun sakperan papan ing sekawan kabupaten lan kota ing Daerah Istimewa Yogyakarta. Dipun pangajab saget ngentheng ngenthengaken warga masyarakat tumrap regi bahan pangan. Ingkang wekdal akir akhir menika ngalami fluktuasi regi. Sanadyan kawontenan mboten kados rikala ngadepi riyaya idul fitri. Namung warga masyarakat tetep remen wontenipun kegiatan peken mirah menika. Sebab kejawi celak griya. Regipunipun ugi langkug mirah.
