TVRI YOGYAKARTA NEWS – HENDRY-ABDUL ROCHIM
Taneman kacang panjang mujudakan setunggaling komoditi olah tetanen ingkang mbetahaken pangrimatan ingkang mligi, salah setunggalipun inggih menika wontenipun lanjaran kangge tuwuh mekaring taneman.
Kados mekaten menika taneman kacang panjang ingkang dipun budidaya dening saweneh kadang tani ing laladan sentolo kulonprogo. Lahan olah tetanen ingkang wonten menika idpun ginaaken kangge nindaaken budidaya tenaman kacang panjang. Taneman menika mbetahaken panggulowentah ingkang mligi, salah setunggalipun inggih menika ndamel lanjaran. Lanjaran menka mirunggan sanget ngengeti sipatipun taneman kacang panjang ingkang mrambat. Mila kadang tani ugi kedah ndamel lanjaran ingkang sae kangge tuwuh mekaring taneman. Lanjaran ingkang dipun ginaaken menika inggih ndamel piyambak migunaaken deling. Taneman kacang pnajang ingkang dipun tanem menika smapun ngancik 20 dinten lan semangke dipun ajab ing umur 40 dinten sampun saged dipun panen. Piyambakipun ngajab supados asiling panen kacang panjang menika sae, amargi sakderengipun dipun tanemi kacang panjeng ing papan menika piyambakipun mbudidaya taneman selada ananging gagal panen amargi kawontenan cuaca ingkang ewah saking panas lan dumadakan jawah. Taneman kacang panjnag menika dipun tanem ing bedengan ingkang inggil. Taneman kacang panjang saged dipun panen makaping-kaping. Kejawi kedah ngadhepi mangsa ingkang ewah, kadang tani ugi ngadhepi wontenipun ama lan sesakit ingkang padatanipun ngrebasa taneman menika kadosta wontenipun ama utawi kutu menika ndamel perangan kacang panjeng dados cemeng lan risak. Mekaten ugi ngrebasanipun virus bule ndamel perangan ron kacang panjeng dados jene, lan tuwuhipun woh kacang panjuang kirang sae.
