TVRI YOGYAKARTA NEWS – WIDI-HARIF YUDA
Para pamirsa, kapandhingaken kaliyan dipun tanemi pantun, lahan ingkang kirang toya irigasinipun kanyata langkung ngasilaken menawi dipun sewak-aken kangge nanem tebu.
Kabetahaning gendhis ing indonesia saben tahunipun ngancik tigang yuta gangal atus ton, emanipun kabetahan wau dereng saged dipun cekapi piyambak dening kadang tani ing indonesia. Kangge nyekapi kekiranganipun wau pamarintah kapeksa ndatemnagkane gendhis saking manca negari utawi import. Salah saeweneh kadang tani saking Cawan, Argorejo, Sedayu Bantul mratlekane bilih sak jatosipun pamarintah mboten kedah ndatengaken gendis saaking mancanegari, ingkang baken kados pundi pamarintah suka pambiyantu dhumateng kadang tani nikelaken produk tebu ing indonesia, wiwit saking cumawising rabuk, nikelaken rendemenipun, engga tata niaga panyedeniong asil. Saking pengalamanipun ing salebeting nindaken usaha tani, kapandhinighaken kaliyan nanem pantun kanyata lahanipun langkung paring bebathen menawi dipun sewa kangge nanem tebu. Menawi dipun etang pancen menawi dipun tanemai pantun saged kaping kalih ananging jalaran kawontenann toyanipun mboten ajeg sapanjang tahun saengga kadang tani kedah ngginaken mesin kompa saengga nambah beya produksinipun. Menika dereng saking beya kangge ngolah lahan menapa dene kangge tumbas rabuk, sewalikipun menawi dipun sewa kangge lahan tebu kadang tani saged pikantuk asil resik sedasa yuta tambah SHU saking perusahaan, sadangunipun sekawan welas wulan.
