TVRI YOGYAKARTA NEWS – JATMIKO HADI
Hawa ingkang benter ing mangsa ketiga sakmenika, ndamel atusan winih ulam lele ing laladan Kabupaten Kulonprogo pejah. pambudidaya ulam lele kedah nemahi kapitunan engga yutanan rupiyah.
Salah setunggaling pambudidaya winih ulam lele ingkang nemahi kapitunan awit kapangaribawa hawa benter ing mangsa ketiga wekdal sakmenika inggih menika darmono, saking laladan Dusun Dukuh Kalurahan Karangsari Kapanewon Pengasih Kulonprogo. piyambakipun nelakaken bilih ing saklebeting mangsa ketiga tahun menika, piyambakipun kedah nemahi kapitunan awit katahipun winih ulam lele gadahanipun ingkang sami pejah. kepara ing sawetawis dinten menika gunggung winih ulam lele ingkang pejah ngancik langkung saking 200 iji, utawi 10 persen saking gunggung sedayanipun. wininh ulam lele ingkang pejah menika padatanipun ingkang umuripun nol dumugi 15 dinten. kawontenan hawa ingkang benter ing wanci siang lan asrep sanget ing wanci ndalu mekaten, ndamel daya tahaning wininh ulam lele sami medhak, ingkang wusananipun gampil katerak sesakit.
Kangge ngawekani kapitunan ingkang langkung katah, piymbakipun ajeg gantos toya blumbang lan ngresiki saking regetan, nutup kolam mawi paranetsarta plastik u-v, engga ngirangi anggenipun nyukani pakan. kanthi kupiya menika dipun ajab winih ulam ingkang pejah saget suda.
