TVRI YOGYAKARTA NEWS – SETYA BUDI
Hawa ingkang benter ing mangsa ketiga wekdal sakmenika, ndamel taneman lombok gadahanipun kadang tani ing laladan kalurahan pampang kapanewon paliyan Gunungkidul risak. Awit saking kawontenan menika, asil panen lombok ing mangsa tanem menika ugi mandhap.
Sinaosa umuripun sampun langkung saking 4 wulan, ananging taneman lombok gadahanipun kadang tani ingh laladan kalurahan pampang kapanewon paliyan Gunugkidul menika kawontenanipun awon lan kunthing. Kajawi menika ron taneman lombok ugi ketingal garing. Suripto salah saweneh kadang tani lombok ing laladan menika waleh, bilih awonipun taneman lombok ingkang dipun tanem menika awit kapangaribawa hawa benter ing mangsa ketiga. menapa malih sampun sawetawis wekdal menika hawa benter ing laladanipun menika langkung benter kaliyan wekdal padatan, utawi ekstrim. Bab menika damel taneman lombokipun mboyten saget tuwuh kanthi maksimal. Kajawi hawa benter, kadang tani lombok ing pampang menika ugi ngadepi ngrebasaning ama nlaloat buah ingkang ndamel kualitas woh lombok kirang sae. Kangge ngawekani saya ngrebasaning ama lalat buah menika piyambakipun masang perangkap lalat buah ingkang dipun damel saking lem ing sabinipun. awit kawontenan menika asil produksi lombok gadahanipun suripto ugi mandhap engga sak protelonipun kabandingaken kawontenan nurmal. kangge njagi kelembabanipun siti, kadang tani ing laladan menika ajeg ngocori lahan pesabinanipun ginakaken toya ingkang dipun pendet saking sumur bor.
