TVRI YOGYAKARTA NEWS – SETYA BUDI
Mlebet ing mangsa ketiga kados sakmenika, sawetawis warga saking laladan Kulonprogo sami nyewa lahan ing Kabupaten Ghunungkidul kangge dipun tanemi melon.
Kados ingkang dipun tindakaken dining tiga warga saking laladan kabupaten kulonprogo menika. Sampun sawetawis tahun pungkasan menika, slamet lan kalih rencangipun menika saben mlebet ing mangsa ketiga sami nyewa lahan ing Gunungkidul kangge dipun tanemi melon. Kangge nyewa lahan kanthi wiyar setunggal hektar ing laladan logandeng gunungkidul menika, salamet lan kalih kadang tani sanesipun kedah ngedalaken beya 7 yuta rupiyah. Slamet ngandaraken bilih piyamakipun sengaja nyewa lahan ing laladan logandeng menika akmargi sitinipun tasih subur, saengga trep sanget kangge budidaya taneman melon. Kajawi menika wontenipun sumur bor ing lahan ugi saget dipun mupangataken nalika pasudiyan toya irigasi sampun winates. Kajawi beya kangge nyewa lahan, slamen ugi ngedalaken beya ngancik 20 yuta rupiyah kangge mundut winih, rabuk, engga obat taneman. Saking pangalamanipun ing tahun – tahun sakderengipun, melon ingkang dipun tanem ing lahan kanthi wiyar 1 hektar menika saget ngasilaken engga 20 ton melon. Asil panen melon samangke padatanipun dipun sade dumateng para bakul lan pengepul ingkang wonten ing sak jawining laldan DIY.
Kapilihipun melon kangge dipun budidayakaken ing laladan menika, amargi nguntungaken lan pangrimatanipun langkung gampil kabandingaken taneman rambat sanesipun.
