TVRI YOGYAKARTA NEWS – JATMIKO HADI
Salah saweneh kadang tani ingkang nanem lombok varietas laba inggih menika sumidi, saking laladan dusun gotakan 8 kalurahan gotakan panjatan kulonprogo. sampun sawetawis tahun pungkasan enika, piyambakipun nanem jinis lombok laba amargi produktifitasipun langkung inggil. saben wit ipun saget ngasilaken engga 2 setengah kilogram lombok kriting, kanthi mangsa panen kaping 15 dumugi 16 panen. piyambakipun nanem lombok kriting jinis laba ing lahan kanthi wiyar 900 meter persagi, lan dipun dugi bade saget ngasilaken 60 kilogram saben panen. Gunggung kasebat langkung inggil kabandingaken kaliyan jinis lombok kriting sanesipun kadosata envi ingkang namung saget ngasilaken 5 koma sekawan kilogram saben panenipun.
Kajawi asil produktifitasipun langkung inggil, lombok kriting jinis laba menika dipun pitados langkung tahan saking ama lan sesakit, wiwit saking layu bakteri, busuk batang engga penyakit kuning utawi bule.
