TVRI YOGYAKARTA NEWS – WIDI – YUDHA
Pengrajin batik ing lladan giriloyo, Imogiri Bantul, ing saklbeting mbabhar cipta rasa lan karsanipun, tetep ngleluri batik klasik warisan leluhur, supados mboten ical kasirep jaman.
Batik tulis ingkang dipun damel dening perajin ning giriloyo menawi dipun pirsani kanthi permati, kanyata ngemot bobot ingkang saged dipun dadosaken minangka kaca benggala ing salebeting gesang ing bebrayan agung. Bobot filosofis kasebat ing antawisipun “kesakralan” endahing seni, raos tlatos ing salebeting ndamel, teliti engga raos sabar. Bobot kesakralan wau kacihno saking cakrik-cakrik mirunggan ingkang dipun damel lan namung pikantuk dipun agem dening sultan dalah kulawarganipun. Bobot kaendahan kacihna saking maneka werni cakrik rerenganipun ingkang dipun damel kanthi mirunggan saengga ngasilaken setunggaling asil karya seni ingkang endah tur edi peni. Ing Dusun Giri Loyo menika wonten nem atusan tiyang ingkang nggantungaken gesangipun saking asil olah cipta rasa lan karsa arupi batik tulis. Salah setunggalipun inggih menika ibu wartinah. Kaprigelan mbathik menika dipun wucalaken saking tiyang sepuhipun ingkang dipun warisaken kanthi run tumurun wiwit saking simbah – simbahipun. Saking asiling cipta rasa lan karsanipun …sampun kasil karipta atusan cita batik kanthi cakrik sido mukti, wijoyo kusumo, sidoarih cuwiri engga wahyu tumurun. Dumugfining wekdal sakmenika, piyambakipun tetep nglelurti batik klaisk sinaosa ugi sampun ngrembaka batik kontemporer. Pait manis sampun dipun raosaken dneing wartinah kalebet ing tengahing pageblug covid 19.
Pirantos ingkang dipun nginaken ingih tetep prasaja kados nalika simbah lan tiyang sepuhipun ndamel bathik. Gesang ing ngalam donya menkaten mujuadken setunggaling perjuwangan. Mekaten ingkang tansah dipun ugemi dening kaum pawestri ingkang dedunung ing dusun Giri Loyo Imogiri Bantul. Mboten wonten wekdal kangge guyon parikena ing antawispun tangga tepalihipun, saben dintenipun para ibu ing laladan menika sami nguri-uri warisan budaya adiluhung arupi batik ngiras pantesn meninagka dados cagaking gesang, menapa ingkang dipun tindaken dening ibu-ibu menika mujudaken salah satunggaling kupiya kangge njagi warisan leluhur.
